C'é pas pasquë...

C'é pas pasquë j'cause gallaou

Qu'i faut m'crëre begaou

C'é coume ça qu'caousë ma mér

Quänd ê paplinë mon pér.

Compernë don combé qu'j'y quien

À c'langaïge, pour ma, bé calin;

Quând j'y pense, mon kieur se coti

De l'vâ bé doucetment s'mouri.

Pourqua sont-ti mussê sous l'braou

Lé contes que j'trouvâ si baou?

Si je r'dev'nâ petit keniaou,

C'é yeu que j'voudrâ coume babaou.

C'é pas pasquë j'cause gallou

Qu'i faut m'crëre begaou

C'é coume ça que j'caouse à mon kenia

Quând i vient balossë à cotë ma.